Britte Se Minag Vir N Wit Vlag 

Vroue en kinders probeer soms om onder die die beskerming van die wit vlag te leef. Die wit vlag is egter dikwels deur die Briste troep geminag of as iemand 'n skoot afgevuur het, is dit as rede aangevoer om teen die Boere op te tree. Die geval van Christiaan Richter se huis was so 'n voorbeeld. EW Smith van die Morning Leader, wat by generaal Pole-Carew en generaal French was, het die volgende verslag op 21 Mei 1900 geskryf:

Twee wit vlae is oor die huis van Christiaan Richter vertoon; daar val êrens 'n blinde skoot (Heelwaarskynlik van Britse troepe). Die volgende wat ek daarna sien, was 'n twintigtal manne met hulle voete op die nek van kalkoene, eende en hoenders.

Gouer as wat ek hierdie verhaal kan meedeel, word die vroue en kinders in 'n buitehuis ontdek; verskeie troepe is besig om parafien op die vloer en teen die mure van die huis te gooi, en binne vyf minute staan die huis in vlamme. Die vroue hardloop nog in en uit, om te probeer red wat hulle kan. Geen wapens is op die plaas gevind.